Yəqinki sən uşaq  bağçasına gedirsən və  ora sənin  xoşuna gəlir. Bağçada sənin çoxlu dostların  var, siz oynayırsınız, birlikdə gəzirsiniz, rəsm çəkirsiniz, bir sözlə- bir çox  maraqlı şeylər edirsiniz.

Bəs sən uşaq bağçasında  özünü düzgün aparırsan? Gəl yoxlayaq :

   
1. Səhər  valideynlərin ilə birlikdə sakit oyanmağa və ağlamamağa çalış: Sənin göz  yaşların ana və atanı pərişan edəcək. Yadda saxla ki, bağçada sənə maraqlı  olacaq, axşam isə sənin doğmaların səni aparmağa  gələcək və sənin onlara  danışacaq maraqlı əhvalatların  olacaq.
 
2. Bağçaya  şirniyyat gətirmə, xüsusilə də tək özün üçün şirniyat gətirib yemək düzgün  deyil: əgər sən şirniyyatları  dostların  ilə bölüşməsən, bu digər uşaqların xətrinə dəyəcək.
 
3. Həmişə tərbiyəçiyə  qulaq as və ona qarşı kobudluq etmə. O, sənə və qrupdakı digər bütün uşaqlara  görə məsuliyyət daşıyır  və bilir ki, siz  gün ərzində nə etməlisiniz: nə zaman oynamalı, nə zaman yemək yeməli, nə zaman  istirahət etməli, nə zaman gəzintiyə çıxmalısınız.
 
4. Qrupdakı  uşaqlar ilə mübahisə etmə, onları itələmə, dalaşma. Hamı ilə mehriban olmağa  çalış, dostların ilə oyuncaqlarını bölüş, zəif olanlara kömək et.
 
5. Özünü masa  arxasında nəzakətli apar. Yeməkdən öncə əllərini yu, ymeəyini səliqəli ye,  bağlı ağızla yeməyi çeynə, yemək yeyərkən danışma, yeməkdən sonra ağzını  salfet ilə sil.
 
6. Çalış hər  şeyi vaxtı-vaxtında edəsən, digər uşaqları məşğuliyyətlərindən saxlamayasan.  Yemək yeyərkən ləngimə , cəld geyin ki, qrup gəzintiyə çıxarkən səni gözləməli  olmasın.
 
7. Heç vaxt  tanımadığın insanlar ilə danışma, onlardan heç nə alma. Əgər sən uşaqlardan  birinin tanımadığı  biri ilə ünsiyyət qurduğunu görsən, mütləq bu barədə tərbiyəçiyə məlumat ver.